Если вы нашли ошибку на странице, выделите ее мышкой и щелкните по этой ссылке, или нажмите Ctrl+Alt+E

Русскій Порталъ- Церковный календарь- Русская Библія- Осанна- Святоотеческое наслѣдіе- Наслѣдіе Святой Руси- Слово пастыря- Литературное наслѣдіе- Новости

О старомъ стилѣ
-
Гостевая книга
-
Новости
-
Написать письмо
-
Поискъ

Православный календарь

Мѣсяцесловы

С. В. Булгакова
-
Прот. Алексія Мальцева

Житія святыхъ

Свт. Димитрія Ростовскаго
-
Д. И. Протопопова
-
Избранныя житія

Житія русскихъ святыхъ

Архим. Игнатія (Малышева)

Патерики

Аѳонскій
-
Кіево-Печерскій
-
Новгородскій
-
Троицкій

Новости сайта



Сегодня - понедѣльникъ, 26 iюня 2017 г. Сейчасъ на порталѣ посѣтителей - 21.

О СТАРОМЪ СТИЛѢ ПРАВОСЛАВНАГО КАЛЕНДАРЯ

Константинопольскій Соборъ 1583 г. о новомъ стилѣ.

Кто не слѣдуетъ обычаямъ Церкви и тому, какъ приказали семь святыхъ Вселенскихъ соборовъ о святой Пасхѣ и мѣсяцесловѣ и добре законоположили намъ слѣдовать а желаетъ слѣдовать григоріанской пасхаліи и мѣсяцеслову, тотъ съ безбожными астрономами противодѣйствуетъ всѣмъ опредѣленіямъ св. соборовъ и хочетъ ихъ измѣнить и ослабить — да будетъ анаѳема, отлученъ отъ Церкви Христовой и собранія вѣрныхъ.

Вы же, православные и благочестивые христіане, пребывайте въ томъ, въ чемъ научились, въ чемъ родились и воспитались, и когда вызоветъ необходимость и самую кровь вашу пролейте, чтобы сохранить отеческую вѣру и исповѣданіе. Хранитесь и будьте внимательны отъ сихъ, дабы и Господь нашъ Іисусъ Христосъ помогъ вамъ и молитвы нашей мѣрности да будутъ со всѣми вами. Аминь.

† Константинопольскій патріархъ Іеремія II. — † Александрійскій патріархъ Сильвестръ. — † Іерусалимскій патріархъ Софроній и прочіе архіереи собора, бывшаго 20 ноября 1583 г.

Статьи, документы, проповѣди

Окружная грамота Константинопольскаго патріарха Іереміи II
православному Русско-Литовскому и Армянскому духовенству, о неправильномъ измѣненіи Христіанскаго лѣтосчисленія папою Римскимъ Григоріемъ XIII, съ подтвержденіемъ не держаться нововведеннаго Календаря, но праздновать дни св. Пасхи и другіе праздники по указанію Пасхаліи, установленной на первомъ Вселенскомъ Никейскомъ Соборѣ, 20 Ноября 1583 года.

Іереміа, милостью Божіею архіепископъ Константинополя, Новаго Рима, и вселенскій патріархъ.

Понеже церковь старого Рима новомысльными радуется,..... астрономамъ неразсмотрительно разумѣюще, прелагающе добрѣ освященную Пасху, христіяны совершаемую, отъ перваго Собора святого Вселенского трема сты осмнадесятъ богоносными отцы узаконенную, отъ иныхъ же Соборовъ потверженну,..... отъ всихъ, повсюду по земли празднуема есть христіяны, яко узакониша. Сего же ради соблазны бываютъ предъ наше и предъ ваше смиреніе.

Мужіе Арменстіи вопрошаютъ насъ о семъ, глаголюще «яко понуждаютъ насъ пріяти календарь, сія и сія повелѣвающе, яко подлежащихъ сему»; сихъ же благодать достоиша насъ, рекуще, что святымъ отцемъ мнится. Смиреніе наше разсмотрѣвше со совѣтомъ святѣйшаго патріарха Александрійского, во Святѣмъ Дусѣ повелѣваетъ, являющи повелѣнными святыми отцы. Отъ сихъ прьвое убо во дѣяніихъ первого Собору Вселенского есть подписаніе сице имѣемое: «Леонтій,..... Кесаріи Каппадокійскіа, Галатійскіа и Арменіа Малыя и Великіа подписа». Иже убо, яко является во житію святаго священномученика Григорія, Великіа Арменіа архіепископа, хиротонисалъ сего архіереа, посланнаго молитвы ради и посланіа отъ Тиридата царя Арменского, по семъ христіянина быти. Сего суща сына Кусарева, ужика же Артаванова, приведеннаго отъ Асаркіа..... будуща брата Кусарева, отца Тиридатова, крестишася вси отъ него во рѣцѣ Ефратѣ, со царемъ ихъ Тиридатомъ, якоже глаголется «вѣру Христову пріяша Арменіа, Персіа, Асиріа и Мидіа, Индія и иныя: бяше болѣ четырехъ сотъ темъ. Просвѣти убо всѣхъ сихъ, во тмѣ неразуміа лежащихъ, якоже другая луча солнца. Отлучитижеся хотѣвый во вышнюю Арменію предѣлъ, жити въ тишинѣ, Алвиніа вмѣсто себе остави, и епископовъ, Еѵѳимія, Воасіа и иныхъ болша десяти, во предѣлѣхъ Арменскыхъ предводящихъ; во всѣхъ же сихъ и прочихъ языцѣхъ, якоже глаголется, четыри ста епископовъ постави. По семъ же отлучившись великаго свѣтилника сего Григорія, Тиридатъ сей разлученія ради его во печали бѣ....., по семъ же же моли Григоріа, и прійде отъ разлученія, и обрѣтѣ Аростанія достоина суща архіерейска сана, сего яко подобаетъ хиротониса. По сихъ же временѣхъ, иже во царехъ прехвалный Великый Константинъ первый Соборъ собра, три ста осмнадесятъ богоносныхъ отецъ иже во Никеи, идѣже и Тиридатъ мирно достиже, яко претеплѣйшій благочестія. Пріятіа жъ получи немалаго отъ равноапостолного сего Константина: иже и..... Арменского архіепископа соборного Аростаніа посла до Собору сего. И пришедъ, и части священно..... собранію бывша. И пріятъ отвѣщаніе отъ Собору, и во Арменію возвратися,..... назидающихся на благочестіе, благодатію Христа истиннаго Бога. Отъ сихъ и прочихъ, якоже рѣхомъ, исторѣй является произвѣстно, яко Армены архіепископа соборнаго пріятіе имѣютъ, и тако священный санъ отъ Каппадокіа, его же рѣхомъ, Леонтіа пріяша. Предѣлы же сія Новаго Рима, якоже бяху, и суть со Богомъ; нѣсть же всяко сіе старѣйшины Римского, якоже и канони повелѣваютъ соборны вечероначалного (!) нрава, такоже началнаго обычая держатися повелѣша. Таже понуждати безпредѣлно есть и внѣ Христова ученія, самъ бо рече Господъ: «шедше научите», но не принудите и: «аще кто хощетъ во слѣдъ мене ити» и елико во священыхъ еѵангеліяхъ совокупляя симъ. Отъ сего вечернихъ..... не нова и странна учитись соблазна чюжда, но по Христову ученію, и святыхъ Апостолъ, и священныхъ Соборовъ, и елико отъ Божественнаго Духа суть.

Второе же исповѣдуемъ всякому христіанину православному хотящему быти, яко нѣсть подвижна отъ насъ Пасхалія, но, яко послѣдуяй повелѣніемъ святыхъ отецъ пребываетъ право и во вѣкы нерастлѣнно пребываетъ, дажь доселѣ соблюдающе чина, еже получи, неподвижна и изрядна есть и пребываетъ божественными отцы..... ихъ же никтоже отъ нынѣшнихъ, ниже отъ наказаній звѣздозаконниковъ лучше..... построити, како оныи изрядны: сіи бо ни Святыня Духа имѣху. Обаче аще кто покусился исправити, далече истины будетъ. Четыри бо суть знаменъ Пасхи: первое, во совершенію, яко подобаетъ по равноденіи весны Пасху совершати; второе, не въ кій день жидовскыя совершатися; третіе, яко не просто, или не абіе по равноденіи, но первый по равноденіи, въ полноту луны; и четвертое, яко по полнотѣ луны абіе недѣля первая. Тѣмъ же никто всячески да не разумѣетъ, дабы омылили они божественніи достойніи отцы: и кто тако уразумѣетъ отъ внѣшнихъ астрономовъ лучше исправити, омылитъся. Благодатію Христовою отъ перваго Собора дажь и донынѣ, бяше Пасха священная со законною, и бываетъ единые недѣли; и смущеніа коего не познахомъ, яко да исправляти востанемъ. Добрѣ бо вообразись святыми отцы, и вѣчно пребываетъ неразорно.

Злѣ же нынѣ отъ звѣздозаконниковъ старого Рима растлѣшася десять дній отъ Октовріа мѣсяца ко инымъ, убо схисмѣ самыхъ себе подаютъ, новаго себѣ часословія и превращеніа зримаго..... Аще бо за сто тридцать четыри лѣтъ (!) сихъ нощь и день единъ совокупляютъ, како оны разсуждаютъ, явно, яко отъ первого Собора тысеча двѣстѣ шестдесятъ пять лѣтъ прешедшимъ дажь до нынѣ, а отъ Христа до первого собору тремъ стомъ и осмьнадесятимъ лѣтомъ прешедшимъ, дній толико девять и часовъ десять безъ полчасца собирается и оставаетъ. Аще ли же за сто и двадцать годъ нощь и день и часовъ десять избываютъ, сія же омылна являются....., но и по ученію ихъ звѣздосмотрѣнія Монадіина, великаго Птоломея и прочихъ. Во трехъ бо стѣхъ лѣтѣхъ оного и мало что нощь и день единъ соберется, и является и сіе не отъ солнечнаго теченіа: зодіею бо творится движеніе непреклонно, но отшедъ дній лѣтныхъ. А по Птоломею о горнѣмъ смотрѣніи, дній четыре и часовъ пять и дванадесять часцовъ собирается отъ Никійскаго первого Собора и до здѣ. И симъ тако сочитаемымъ и по Еллиньстѣй премудрости еще показуетъ, яко внѣ всякихъ словъ десять дній Октовріа астрономы Римскими изложены; толико сего ради, да явятся, якоже мнятся что творити, тщеславіа ради. Лучше убо бѣ имъ не новозаконити и ни сія претворяти и Христовымъ церквамъ смущеніа безчисльно подавати, нежели..... житіа найти. Сихъ ради, о нихъ же дерзнуша, неблагословени вмѣнишася, яко спротивишася добрѣ узаконенымъ священно-святыми отцы, не толико избранными, но и божественными. И сія убо мы ко обоимъ глаголемъ, знаменающе по истинѣ.

Писанъ 1583 лѣта отъ Божіаго вочеловѣченіа, мѣсяца Ноемвріа 20, индикта 12.

Источникъ: LXXI. Canstantinopolis 20 novembris 1583. Ieremias patriarcha constantinopolitanus fideles suos edocet, novum a romano pontifice introductum calendarium falsum et doctrinae ss. patrum contrarium esse. // Monumenta Confraternitatis Stauropigianae Leopolinensis sumptibus Instituti Stauropigiani edit Dr. Wladimirus Milkowicz. Tomus I. — Leopolis: Ex typographia Instituti Stauropigiani Leopoliensis, 1895. — p. 94-97.

Свѣрено съ изданіемъ: Акты, относящіеся къ исторіи Западной Россіи, собранные и изданные Археографическою Комиссіею. Томъ третій: 1544-1587. — СПб.: Въ Типографіи Эдуарда Праца, 1848. — С. 278-280.

/ Къ оглавленію раздѣла /


Цитата «Торжество Православія»


Наверхъ / Къ титульной страницѣ

0